អ្នកគ្រូក្រមុំនៃវិទ្យាល័យ បវេល ត្រូវប៉េអឹមទំនើងម្នាក់ បើករថយន្តបុកស្លាប់ភ្លាមៗនៅនឹងកន្លែង
09-December-2015 | ដោយ ពល រាជសី
បាត់ដំបង ៖ អ្នកគ្រូក្រមុំដ៏ស្រស់ស្អាត នៃវិទ្យាល័យ បរវេល ម្នាក់ បានទទួលមរណៈភាពហើយ កាលពីរសៀលម្សិលម៉ិញនេះ ក្នុងហេតុការណ៍គ្រោះថ្នាក់ចរាចរមួយ ខណះពេលកំពុងជិះម៉ូតូ ទៅបង្រៀនសិស្ស ស្រាប់តែត្រូវរថយន្ត១គ្រឿង បើកដោយប៉េអឹមទំនើងម្នាក់ ក្នុងល្បឿនលឿនជ្រុលទៅ បុកពីក្រោយម៉ូតូពេញទំហឹង បណ្តាលឲ្យអ្នកគ្រូ ខ្ទាតបាក់-ក ស្លាប់ភ្លាមៗនៅនិងកន្លែង យ៉ាងអាណោចអាធ័ម ។ ហេតុការណ៍នេះ បានកើតឡើង នៅវេលាម៉ោង៤និង១៥នាទី រសៀលថ្ងៃទី ០៣ ខែធ្នូ ឆ្នាំ២០១៤ នៅតាមបណ្តោយផ្លូវជាតិលេខ៥៧B ចំណុចក្រុម១៤ ស្ថិតក្នុងភូមិផ្តាច់ព្រ័ត្រ ឃុំបវេល ស្រុកបវេល ខេត្តបាត់ដំបង ។
ជនរងគ្រោះមាន ឈ្មោះ វណ្ណ ចាន់ថន អាយុ២៤ឆ្នាំ ជាអ្នកគ្រូបង្រៀននៅវិទ្យាល័យ បវេល អស់រយ:ពេល២ឆ្នាំហើយ និងរស់នៅភូមិថ្មី ឃុំតាម៉ឺន ស្រុកថ្មគោល ខេត្តបាត់ដំបង ជិះម៉ូតូម៉ាកសង់ C១២៥ ស៊េរី២០១៥ ពណ៌ខ្មៅ ទើបនិងទិញថ្មីមិនទាន់បើកស្លាកលេខទេ បានបើកពីទិស ខាងត្បូង មកទិសខាងជើង ស្រាប់តែត្រូវរថយន្ត មួយគ្រឿង (ស្របទិសគ្នា) ម៉ាកកាមរី ពណ៌សំបកឪឡឹក ពាក់ស្លាកលេខ ២A-៤៤០៦ បើកដោយឈ្មោះ អាក បាន អាយុ៥០ឆ្នាំ ភេទប្រុស ជាប៉េអឹមក្រសួង រស់នៅស្រុកបវេល ក្នុងល្បឿនលឿនខ្លាំង លុះមកដល់ចំណុចកើតហេតុ ស្រាប់តែជ្រុលទៅបុកជាមួយនិងម៉ូតូ របស់អ្នកគ្រូ យ៉ាងពេញទំហឹង បណ្តាលឲ្យខ្ទាតបាក់-ក ស្លាប់ភ្លាមៗនៅនិងកន្លែង ។ ក្រោយកើតហេតុភ្លាមប៉េអឹមរូបនោះ បានរត់គេចខ្លួនបាត់ បន្សល់តែរថយន្តនៅនិងកន្លែងតែប៉ុណ្ណោះ ។
សមត្ថកិច្ចនៅកន្លែងកើតហេតុ បានប្រាប់ឲ្យដឹងថា ក្រោយធ្វើការវាស់វែង និងប្រមូលបានអត្តសញ្ញាណ ជនបង្ករហើយ សមត្ថកិច្ច នឹងតាមចាប់ប៉េអឹមទំនើងរូបនោះ យកមកផ្តន្ទាទោសតាមច្បាប់ ឲ្យទាល់តែបាន ចំណែករថយន្តនិងម៉ូតូ ដែលរងការខូចខាតស្ទើរទាំងស្រុង ត្រូវសមត្ថកិច្ច យកទៅរក្សាទុកនៅ អធិការដ្ឋាននគរបាលស្រុក ដើម្បីរងចាំការដោះស្រាយជាក្រោយ ។ បច្ចុប្បន្នសពអ្នកគ្រូក្រមុំ ត្រូវបានក្រុមគ្រួសារ និងសាច់ញាតិ កំពុងធ្វើបុណ្យតាមប្រពៃណី នៅឯគេហដ្ឋាន ក្នុងស្រុកថ្មគោល ៕
ចំនួនអ្នកទស្សនា
- ថ្ងៃនេះ5881
- ម្សិលមិញ10901
- សប្តាហ៍នេះ21261
- ខែនេះ43141
- ឆ្នាំនេះ43141
- សរុប20485597